Ipagseselebrar ni dating Presidente Rodrigo Duterte an Pasko asin Bagong Taon nin dae kaibahan an saiyang pamilya.
Ini an makalihis na ipagbawal kan International Criminal Court (ICC) an pagbisita sa kasagsagan kan holiday.
Kinumpirmar man kan aki kan dating Presidente na si Veronica Duterte an nasambitan ng impormasyon.Kasuarin sana soboot kaini naaraman asin dismayado an dating Presidente kan ipaaram na dae ninda ini mabibisita sa Pasko asin Bagong Taon.
Sa ibong kaini, sinaysay ni Kitty Duterte na matinir sinda sa luwas kan ICC detention facility kaibahan an saiyang ina asin mga Pilipino asin banyagang tagasuporta kan dating Presidente.
Liwat man na nag-abot si Kitt Duterte sa The Hague, Netherlands kan nakalihis na Disyembre 19.
Sigun ki Kitty Duterte, kan bisitahon kaini an saiyang ama, maray an kamugtakan alagad mayo ini sa “best state” asin bako ng kasing kusog siring kan dati.
Nagtapos an saindang pagbisita sa dating Presidente sa paagi kan pagpangadyi.
