Pig-enkaminar kan ICC registry an Trial Chamber III na ipaliwanag an anuman na pagtugot ki dating Presidente Rodrigo Duterte na magluwas sa courtroom mantang piglilitis an saiyang kaso.
Segun sa registry, posibleng magkawsa nin paghuna-huna asin disinformation an biglang pagkawara ni Duterte sa courtroom feed, orog na makusog an interes kan mga biktima, apektadong komunidad asin mga nagbabantay sa Pilipinas sa paglilitis.
Iminungkahi kan Registry na ipaliwanag sa publiko sa enot na aldaw kan trial an anuman na permanenteng pagtugot para makaluwas si Duterte, asin magtao nin konkretong detalye manungod digdi.
Pwede man ining uliton sa kapinunan kan kada aldaw nin trial asin ipaisi nin amay sa mga testigo.,Inaasahan man kan registry an masusing pagbantay kan Philippine media sa hiro asin kondisyon ni Duterte.
Kun dai siya maka-atendir nin personal, pwede man gumamit nin video link hale sa ICC detention center, subject sa pag-apruba kan chamber.
Naenot nang idineklara kan Trial Chamber III na fit to stand trial si Duterte.
Nakatalaan an ikaapat na status conference sa Oktubre 13, mantang an huring status conference bago an trial sa Nobyembre 2.
