Tiwala si Senator Kiko Pangilinan na dakula an maitatabang sa paglalangkaw sa pondo kan digital agriculture tangani pugulan an korapsyon siring sa nangyari sa anomalya kan flood control projects.
Gikan sa ₱500 million naglangkaw sa ₱600 million an digital agriculture funding sa irarom kan 2026 national budget.
Sa irarom kan digital agriculture, gagamiton digde an data, online platforms, smart technologies para sa registration kan mga paraoma asin parasisira siringman kan data dashboards na matao nin real-time na production, inputs, infrastructure asin posibleng peligro.
Hurot ni Pangilinan, an magayon sa digital iyo an dipisil na itago an katotohanan kaya marahay na proteksyon ini para sa gabos na nagbabayad nin buwis.
Sisiguraduhon kan teknolohiya na mapapasiring sa totoong paraoma asin parasisira an ayuda, insurance, asin iba pang suporta, asin bako sa mga multo o ghost beneficiaries.
Dugang pa ni Pangilinan, pinakamakusog na depensa laban sa korapsyon an kun bukas an datos asin proseso asin may pakiaram an taumbayan.
