Dae papatulan kan Malacañang an mga paratang na nakabase sa mga dokumentong dae pigbibisto asin dae pa napapatotoohan kan Department of Public Works and Highways.
Pahayag ini ni Palace Press Officer Atty. Claire Castro sa piglantad na Cabral files ni Congressman Leandro Leviste kun saen may mga gabinete na sangkot sa mga insertions sa flood control projects.
Sigun ki Castro, kun mayong opisyal na beripikasyon, mayong gabat asin dae dapat gibuhon basehan an mga nasambitan na papel.
Pigsaysay man kan Malacañang na si Congressman Leviste sana soboot an may kapot kan mga dokumentong ini.
An Cabral files nagpuon soboot ki DPWH Undersecretary Maria Catalina Cabral na nadukayang gadan sa Tuba, Benguet kan nakalihis na semana, sa tahaw kan kontrobersiya sa flood control scandal.
