Nakatalaan magsumiter an Independent Commission for Infrastructure (ICI) kan saindang pinal na rekomendasyon makalihis an pagbubutas kan duwang commissioners kaini.
Sigun ki ICI chairperson Andres Reyes Jr. na pigbilog an ICI na igwang malinaw na mandato tanganing magguno nin ebidensya asin magtao nin magkakanigong kapadusaham
Sa presente igwang walong referrals asin kaso an pigsunad kan ICI na kinababalihan kan nasa 1,000 katawo na imbwelto sa flood control anomalies.
An mga indibidwal na imbwelto soboot an mga Senador, kongresista, mga dati asin presenteng opisyal kan gobierno.
Katabang man ninda an Anti-Money Laundering Council (AMLC) asin nakapag-freeze na ini nin nasa P20.3-bilyon na mga assets na pagsadiri kan mga sangkot sa anomalya.
Marurumduman nagbutas si ICI Commissioner Rossana Fajardo na epektibo sa Disyembre 31.
Siringman, haros duwang semana na ana nakakalihis kan enot na magbutas komo parte man kan ICI si dating public works secretary Rogelio Singson.
