Ibinulgar ni Senador Panfilo “Ping” Lacson kasuodma, Disyembre 27, na sigun sa mga dokumento gikan sa nagtalikod na sa kinaban na dating Public Works Undersecretary Maria Catalina Cabral asin gikan sa Department of Public Works and Highways (DPWH), limang miyembros kan Gabinete asin nagkapirang undersecretary an nakaresebir soboot nin bilyon-bilyong pondo sa allocables asin non-allocables para sa 2025 national budget.
Sigun ki Lacson, sarong opisyal na tinukoy sana komo “ES” an nakaresebir nin P8.3 billion, mantang an dating DPWH Secretary na si Manuel Bonoan, an igwang P30.5 billion sa allocables.
Nabigla si Lacson sa kantidad kan mga pondo asin hinapot kun tano nakaresebir an mga Cabinet members nin allocables, gayong karaniwang mga lehislador sana an nagrerekomenda kan mga proyekto para sa saindang distrito.
Ipinahayag man ni Lacson na igwang mga bilyong piso na ipinagkaloob sa House leadership asin mga party-list groups.
Sigun pa sa Senador apwera ki Bonoan, nakaresebir man soboot nin kickbacks gikan ki dating DPWH Undersecretary Roberto Bernardo, an mga opisyal.
Dugang pa ni Lacson, an mga pondo na ini an parte kan unprogrammed appropriations, kun saen P30 billion an ipigtatagama para sa mga flood control projects, kadaklan an nakumpirmang mga “ghost projects.”
Sinaysay pa ni Lacson na an mga Special Allotment Release Orders (SAROs) na igwang petsang Disyembre 27, 2024, an naglalaog nin P50 billion, asin piglalaomang susurion kan Disyembre 27, 2024, kun na-authenticate na an mga dokumento.
Komo kasimbagan, hinapot ni Lacson kun tano an mga Cabinet members an igwang karapatan sa allocables na soboot para sana sa mga lehislador.
Tinuyaw man kaini na an National Expenditure Program an sulamenteng sakop sana kan ehekutibo. Hasta sa ngunyan, mayo pang pahayag si Bonoan katakod sa mga alegasyon ni Lacson.
Inabisuhan man ni Lacsona an administrasyon na dae magpamalas nin pagigin “selective” sa mga kaso kan korapsiyon, tanganing dae mawara an tiwala kan publiko, orog na ta hababa an mga approval rating ni Presidente Ferdinand Marcos Jr.
