Nagpalag si Public Works and Highways Sec. Vince Dizon sa mga malisyosong mga pahayag asin paratang ni Batangas Rep. Leandro Leviste.
Katakod ini sa inihayag ni Leviste na imbwelto man soboot si Dizon sa insertions o pagsingit nin pondo sa flood control projects kan BCDA o Bases Conversion and Development Authority.
Sa iniluwas na pahayag ni Dizon, mismong BCDA na pinamayuhan kaini kaidto an nag-isyu kan malinaw na statement na pinahimutikan an pagkakaigwa nin proyekto kontra baha na pinondohan gamit an budget insertions.
Hurot pa kan Sekretaryo na mayong basehan asin kautikan an soboot paggamit kan allocables para sa flood control sa BCDA.
Sinaysay na mayong flood control projects an pinondohan sa paagi kan budget insertions, allocable funds o iba pang paagi.
Dugang pa ni Dizon, kaduda-dua an timing kan alegasyon ni Leviste kasunod na man kan paglutang kan nagkapirang personahes kan DPWH na nag-aakusar sa kongresista na puwersahan kaining kinua an inapod na Cabral files o mga dokumento kan nagtalikod na sa kinaban na si dating Usec. Maria Catalina Cabral.
