Kaayon an Malacañang sa apela kan 35 business groups na haleon an mga insertion sa ipinapanukalang 2027 national budget asin seguraduhon na dai maabuso an pondo kan banwaan.
Segun ki Palace Press Officer Usec. Claire Castro, nakalatag na sa National Expenditure Program o NEP an mga programa asin proyektong boot pondohan kan administrasyon ni Marcos.
Nasa Kongreso an kapangyarihan na mag-eksamin, magdugang o magbawas nin pondo sa irarom kan inaapod na Power of the Purse.
Naglalaom an Palasyo na dai mabawasan an ipinapanukalang budget kan ehekutibo, orog na kun maapektaran kaini an mga nakalaag na programa asin proyekto kan gobyerno.
Pig-insistir ni Castro na dapat seguraduhon na magagamit an pondo kan banwaan para sa mga programang direktang pakikinabangan kan publiko.
