Kinumpirmar ngunyan kan kapulisan kan Australia na an mga suspek sa pambabadil sa Bondi Beach an bakong parte kan anuman na teroristang grupo.
Sigun sa kapulisan na an suspek na si Sajid Akram, 50-anyos asin aki kaining si Naveed Akram, 24-anyos an mayong kinaanibang terror group.
Nakua man ninda an kopya kan CCTV sa pagbisita ninda sa Pilipinas partikular na sa siyudad kan Davao asin nahiling na mayong anumang indikasyon na nagsanay sinda sa sarong terrorist organization hasta sinda an nakabweltada sa Sydney kan Nobyembre 29.
Marurumdumang pinagbabadil kan mag-ama an naganap na pagtitipon kan Jewish community sa Bondi Beach na ikinagadan kan 15 katawo kaibahan an suspek na si Sajid.
Padagos pa man an piggigibong pagsusuri kan mga otoridad sa nagkapirang mga nakua nindang ebidensiya.
