Nagpahayag nin pasasalamat si Papa Leo XIV sa mga Katolikong padagos na nagpapamibi para sa saiyang pagkarahay, sa saiyang enot na mensahe matapos siyang operahan huli sa lung cancer.
Sa mensaheng ipinadara sa mga partisipante kan sarong symposium na nagpapamidbid sa ika-10 anibersaryo kan Amoris Laetitia, hinagad kan Santo Papa na padagoson ninda an pagpamibi para saiya, kaiba an saiyang panuga na ipapamibi man niya an mga ini.
Nagpahayag man nin pasasalamat an Santo Papa sa saindang mga pamibi asin sa paghiras nin mga eksperyensya asin pagdangog sa lambang saro, na saiyang sinabi na sarong mahalagang regalo sa Simbahan.
Si Papa Leo nag-agi nin operasyon sa Gemelli Hospital sa Rome, Italy, kun sain hinale kan mga doktor an ibabang parte kan saiyang too na baga matapos makumpirma an lung adenocarcinoma, sarong klase nin kanser sa baga.
Segun sa saiyang mga doktor, inaasahan an marhay na pagkarahay kan 71-anyos na Santo Papa. Nakalakaw na man siya sa laog kan saiyang kwarto sa ospital mantang nagpapadagos an saiyang recovery.
Kinansela ngona kan Vatican an saiyang mga pampublikong aktibidad sagkod Oktubre 20 mantang siya nagpapakarhay.
