Kaibahan sa mga bagong napupuruhan kan paputok an mga kaakian gikan sa kabilogang 40 firecrackers-related injuries na naikurit na sa bilog na nasyon puon kan magpuon an holiday season ngunyan na taon.
Sigun sa Department of Health, nasa duwang aki an idinara sa Amang Memorial Medical Center makalihis na malugadan huli sa paputok, dugang pa sa padagos na pagdakol kan mga kaso antes pa man an bisperas kan Bagong taon ngunyan na aldaw.
Sigun sa ospital, sarong aki an nagsapo nin pagkasulo sa kublit, mantang an saro man nagkaigwa nin danyos sa mata.
Sinaysay kan mga doktor na an five star asin boga, na kapwa iligal ngunyan sa PNP, an pinakakaraniwang imbwelto sa mga aksidente.
Madalas soboot nangyayari an mga siring na insidente kun pigkakawatan o liwat na susuluan kan mga aki an paputok na pighunang dae na maputok.
Sigun ki Health Secretary Teodoro Herbosa, masakit ipautob an nationwide total ban sa paputok huli sa magkakaibang ordinansa kan lokal na gobyerno.
Pwede soboot kaipuhanon an sarong pambansang ley, alagad importante pa man an impormasyon asin pagbabago nin ugali, orog na sa laog kan harong.
Nagpatanid man an DOH na an mga danyos sa paputok an pwedeng magdara nin panghaluyang epekto, kaibahan an permanenteng danyos.
Kaya liwat nangapodan an DOH sa publiko na enoton an kasalbaduhan, asin ipagiromdom na bakong kawatan an paputok orog na sa mga aki.
