Nagbaba an numero kan mga nalugadan dahil sa paputok ngunyan na Bagong Taon, sigun sa Department of Health (DOH), nagrehistro nin 235 kaso puon kan Disyembre 21, 2025 hasta alas-4 nin paagkaag kan Enero 1, 2026.
Basado sa datos puon sa 62 sentinel hospitals, mas hababa ini nin 42 porsiyento kumparar sa kaparehong panahon kan 2024 asin mas hababa man kumparar sa 403 kaso na nairehistro kan Enero 1, 2025.
Sa kabilogang numero, 161 kaso an may edad 19 pababa, na nagpapahiling kan padagos na pagigin vulnerable kan mga menor de edad.
Sigun sa DOH, 62 kaso an nairehistro kan Disyembre 21, an enot na aldaw kan saindang taunang injury surveillance.
Kadakli sa mga danyos kawsa kan dae natukoy na paputok, “boga,” asin “five star” firecrackers, na kapareho kan mga nakalihis na taon.
Pig-eenkaminar man kan DOH an publiko na likayan an paputok asin maggamit na sana kan mas salbadong alternatibo sa paggibo nin ribok kada bagong taon.
Pagirumdom man kan ahensya sa publiko na tolos darahon sa ospital an mga nalugadan asin mag-apod sa National Emergency Hotline 911 para sa tolos na tabang medikal.
Pigtawan duon pa kan DOH an pangapudan para sa sarong “safe and injury-free holiday celebration” asin kontra sa paggamit kan ilegal asin peligro na paputok.
