Piglalaoman na mapautob nin roll back an mga kompaniya nin langis sa presyo kan mga produktong petrolyo sa masunod na semana.
Sigun sa Department of Energy-Oil Industry Management Bureau (DOE-OIMB), posibleng magbaba an presyo kan produktong basado sa tolong aldaw na Mean of Platts Singapore (MOPS) trading.
Posibleng magbaba an presyo kan produktong petrolyo nin poco mas o menos:
Diesel: nin P0.15 kada litro
Gasoline: P0.50 kada litro
kerosene: P0.20 kada litro
Sinaysay kan DOE-OIMB na an piglalaomang rollback an dara kan pagluwag kan geopolitical tensions, global oversupply kan langis, maluyang demand gikan sa darakulang consumer siring kan China asin mga polisiya kan OPEC+.
An opisyal na price adjustment an karaniwang pig-aanunsyo kan mga oil company tuyong Lunes asin pigpapautob kinaagahan.
