Pupuonan kan Philippine sports officials an saindang operational testing sa bagong renovated na courts sa Rizal Memorial Tennis Center ngunyan na aldaw pirang semana antes an pagbubukas kan Philippine Women’s Open.
Sa mga maabot kaya na aldaw, an mga nangengenot na players kan Pilipinas an maharampangan para sa national ranking points asin wildcard entry tanganging makalaog sa WTA 125 event.
An nasambitan ng laban an bako sanang obhetong testingon an mga pasilidad kan tennis center kundi maserbeng qualifying event para sa mga local players na nagmamawot na magsabak sa Philippine Women’s Open.
Katakod kaini, sinda Alex Eala asin Tennielle Madis kan M’lang, Cotabato an natawan na nin wildcards asin dae na kaipuhan pang magsabak sa playoffs.
Mientrastanto, an partisipasyon man ni Eala an matinir na depende sa pagsabak kaini sa Australian Open.
