Pighayag ni US President Donald Trump na pig-untok kan Iran an nakatalaang executions o paggadan sa mga nakakulong na protesters.
Pigsaysay man kan US President na nauntok na an mga paggadan sa Iran, alagad sa ibong kaini, pigtitimbang pa man ni Trump an pagkasa nin military action sa nasambitan na nasyon.
Ipagpapadagos man soboot kan saiyang administrasyon an pagsubaybay sa crackdown sa mga nagpoprotesta sa Iran.
Mientrastanto, pig-enkaminar man an pirang US personnel na bayaan an base militar kan US sa Qatar komo pagiingat. Dakol nasyon na man an nag-enkaminar sa saindang namamanwaan na bayaan an nasyon mantang pirang airlines man an nagpautob nin rerouting kan saindang flights para malikayan an airspace kan Iran.
Sa presente, kabilogang 2,400 protesters na an nagadan puon kan puunan kan Iran an crackdown, base sa datos gikan sa US-based human rights group.
Hasta sa ngunyan man padagos na ipigpapautob kan estado an internet blackout haros sarong semana na an nakakalihis.
