NAGA CITY – Pigkokonsederar kan pamayuhan kan Barangay Minoro, San Jose Camarines Sur na catch basin an saindang lugar kaya marekas ining bahaon.
Sigun ki Ram Rentoria Barangay Captain, kan Barangay Minoro, San Jose, Camarines Sur sinaysay kaining kun may papaabuton na kalamidad tolos na pigpapa-ebakwar an mga residentes huli ta labing kalaban kan nasambitan na lugar an pagbabaha.
Kadakli sa mga pigigibo sa nasambitan na barangay an paglaag nin lubid sa mga pigbabahang lugar na pwedeng kaputan komo preparasyon sa emerhensiya.
Kaya padagos an pangapudan asin pag-eenkaminar kaini na enkaso may papaabuton na kalamidad tolos na mag-ebakwar sa halangkaw na lugar huli ta labi an magigin epekto kaini sa sainda.
Rason tano barahaon an nasambitan na barangay iyo an hababa asin sarabatan na tubig gikan sa burabod kaya dawa bakong makusog an uran matubig, alagad marekas sana man an paghupa.
