NAGA CITY – Padagos an pagtatao nin programa sa PWD’s kan Person with Disability Affairs Office sa lado kan empleyo.
Sa entrevista kan Bombo Radyo Naga ki Atty. Paul John Barrosa Head kan PDAO Naga City sinaysay kaini na prayoridad kan opisina na matabangan asin masuportaran an mga PWDs.
Marurumduman kan nakalihis na Enero 16, 2026 nagbukas na an an aplikasyon para sa scholarship asin igwa nin slots para sa mga PWDs.
Pig-eenkaminar kaining mag-apply an mga PWDs magin man an aki kan PWDS huli ta prayoridad sinda sa nasambitan na programa.
Igwa man soboot nin exam para digde tanganing masierto asin mahiling na igwa nin kapasidad na tapuson an kurso.
Apwera kaiyan kaibahan sa lakdang na pigsasagibo an mga trainings katuwang an Metro Naga Peso asin TESDA tanganing magin equip an mga PWDs.
Siringman igwa man nin Naga City PWD Vendors Association na manunutaran sa may parte kan Plaza Rizal komo tabang man sa sainda ba may kamawotan sa lado kan empleyo.
Dugang pa ni Barrosa na igwa man nin Visually Impaired Association na kun saen igwa nin pagmamasahe samay parte pa man liwat kan Plaza Rizal, asin iyan nagkapirang lakdang kan opisina tanganing masierto asin matawan nin hanap buhay an mga PWDs.
