Pigdeklarar sa sarong report kan United Nations an “global state of water bankruptcy.”
Basado sa report kan UN research institute, an mundo naglalaog sa sarong panahon kan pandaigdigang pagkawara kan tubig kun saen an mga ilog, law asin aquifers o nakaimbak na tubig sa irarom kan tubig sa irarom kan daga nauubos nang mas marekas kumparar sa kapasidad kan kalikasan na ribayan an mga ini.
Pigtukdo sa pag-aadal an pirang dekada kan labi na paggamit kan tubig, polusyon, mga danyos sa kalikasan asin climate pressure na nagkawsa nin paglagpas na sa point of recovery kan dakol na water systems.
Susog sa bagong report sa UN University Institute for Water, Environment and Health, dae pa sapat na iladawan sana komo water stress asin water crisis an bagong reyalidad sa isyu kan tubig sa bilog na nasyon.
Nakapalaman man sa report na dakulang proportion kan wetlands an nawara sa nasyon sa pigkakarkulong 410 million ektarya o haros kasingdakula kan European Union, na nawara sa nakalihis na limang dekada.
Saro pang sinyales kan water bankcuptcy an pagkaubos kan tubig sa irarom kan daga, kun saen nasa 70 porsyento kan premirong aquifers na piggagamit para sa inumon na tubig asin irigasyon nagbaba.
Nakadugang pa sa problema an climate change na nagresulta sa pagkawara kan labi 30 poryento kan dambuhalang tipak kan mga yelo puon kan 1970 asin kan seasonal meltwater kun saen nakadepende an daang-daang milyong katawo.
Mientrastanto, mantang welcome para sa pirang syentista an pagtutok nin atensiyon sa isyu sa tubig, nag-abiso an mga ini na pupwedeng mabalewala an ginigibong progreso sa mga lokal na lebel kawsa kan nasambitan na deklarasyon kan global water bankcruptcy.
