Kaipuhan soboot mamatean kan mga parabakal an pagbaba kan presyo kan bagas sa nasyon huli ta 50% an ibinagsak kan presyo sa pangkinabang na merkado puon pa kan taong-2024, sigun ki Jayson Cainglet, executive director kan Samahang Industriya ng Agrikultura (SINAG), alagad dae man nangyari sa Pilipinas.
Hurot kaini, kun susundon an trend sa world market, dapat masa P35 hasta P40 kada kilo sana an presyo kan imported na bagas.
Alagad sa pinakahuring Bantay Presyo kan Department of Agriculture, nagtitinir na nasa P40–P46 kada kilo an regular milled rice sa Metro Manila, mantang an premium white rice, nasa P50–P59 kada kilo asin an glutinous rice labi sa P60 kada kilo.
Mientrastanto, piglunsar kan gobyerno an Benteng Bigas Meron (BBM) Na program na nagtatangro nin bagas sa kantidad na P20 kada kilo sa mga Kadiwa outlets puon Enero 2026 tanganing maibsan an pasanon kan mga parabakal.
Apwera sa bagas, pigtawan-duon ni Cainglet an pangangaipuhan na bantayan an presyo kan sira, orog na sa bagsakan sa Navotas City, kun saen naglangkaw an presyo kan galunggong na nasa P140–P180 kada kilo.
Igwa soboot mga pagkakataong nasasamantala ini kan pirang negosyante kun kulang an pagbabantay kan mga kinauukulan.
Sa kabilogan, nangapodan an SINAG na mas pahigoton an monitoring asin regulasyon tanganing masierto na an pagbaba kan presyo sa pangkinaban na merkado an tunay na mamatean kan mga parabakal sa lokal na merkado, bako sanang sa bagas kundi pati na man sa primerong produktong pagkakan siring kan sira.
