Pigtawan-duon kan National Food Authority (NFA) an importansya kan pag-angkat nin bagas tanganing malikayan an kakulangan sa suplay kan nasyon.
Ini partikularmente huli ta an Pilipinas nag-aatubang sa pinatinding El Niño na pighuhuna na magdadanay sagkod sa enot na quarter kan masunod na taon.
Konektado digdi, ipinahayag kan grupo na Philippine Rice Industry Stakeholders Movement (PRISM) na nagpirma sinda nin sarong kasunduan kaiba an USA Rice.
Sa irarom kan nasabing kasunduan, katuyuhan kan PRISM asin USA Rice na tugutan an paglaog nin suplay nin bagas hale sa Estados Unidos poon sa taon 2027.
Alagad, pinilinaw ni NFA Administrator Dr. Larry Lacson na an nasabing plano sa pag-angkat nin bagas eksklusibong pigpapalawig kan mga pribadong grupo sa industriya asin mayong direktang papel an gobyerno digdi.
Idinagdag pa kan ahensya na bako sinda mismo an nag-aangkat nin bagas asin mayong permit manungod sa kasunduan na ini an nag-agi sa saindang opisina.
