Paglalatag kan budget kan DPWH sa mga masunod na taon, magkakaigwa nin mga pagbabago
Pigsierto kan Department of Public Works and Highways (DPWH) na padagos sindang magibo nin paagi tanganing mapakarhay an framework sa paglalatag kan mga budget kan ahensiya sa mga susunod na taon.
Sa sarong forum, pigsaysay ni DPWH Secretary Vince Dizon na dae ninda gagamiton an formula kan dating Undersecretary Catalina Cabral na igwang mga allocable asin non-allocable na pig-aapod sa pondo.
Sigun ki Dizon, alagad maski dati nang polisiya kan gobierno an pagtukoy sa prayoridad na infrastructure projects komo polisiya dae man nagigin consistent an implementasyon kaini.
Sa ngunyan isinasapinal na soboot an bago asin mas simple na budgeting asin infrastructure budget allocation framework na gikan sa konsultasyon sa civil society groups, pribadong sektor asin business organizations.
Enkaso mabilog ipepresinta ini ki Presidente Ferdinand R. Marcos Jr. asin sa Department of Budget and Management para maaprubahan.
Enot naman sinaysay ni Navotas Rep. Toby Tiangco sa kaparehas na forum na preparadon sindang magserbeng sponsor kan prosopwesto para sa paglalatag kan framework sa budgeting process
