Nakapagrehistro an Philippine Institute of Volcanology and Seismology (PHIVOLCS) nin nasa 253 na rockfall events gikan sa nagpapadagos na pag-aalburoto kan Bulkang Mayon na nasa Alert Level 3 pa.
Basado sa nakuang datos sa 24 oras na monitoring kan ahensya puon alas-12 nin matangang bangi kan January 24 hasta 12:00 a.m. kan January 25.
Apwera sa pagrasay kan mga gapo, nairehistro kan PHIVOLCS an sarong volcanic earthquake, sarong nagpapadagos na volcanic tremors, asin 44 na pyroclastic density current o uson.
Nasa 2327 na toneladakan sulfur dioxide o asupre man an naibuga kan bulkan mantang nag-abot man sa 600 metro an plume kaini na napadpad sa timog-kanluran asin hilagang-silangan.
Advertisement
Advertisement
