Nagsunad nin prosopwesto si Senador Sherwin Gatchalian na obhetong magtatag nin sarong Agriculture Information System (AIS) sa gabos kan probinsiya, siyudad asin munisipalidad sa nasyon.
Si Gatchalian an may-akda kan Senate Bill 1653, na nagsasabing an AIS an mataong real-time na kaaraman dapit sa ani kan pananom, pangangaipuhan sa merkado, asin ina pang importanteng datos sa pag-ooma tanganing matabangan an mga paraoma na mapahusay an saindang pag-aani asin makatabang na malikayan an paglangkaw kan presyo na dara kan kakulangan sa kahusayan.
Kokolektaron asin ia-upload an impormasyon dapit sa demand kan sarong agricultural asin fishery goods komo production data gikan sa mga paraoma sa lambang barangay.
Pigtatalaan sa nasambitan ng prosopwesto na an AIS an pangasiwaan kan Department of Agriculture (DA).
Komo dugang sa pagpapadalagan kan AIS, pigtutukoy man sa prosopwestong ley na an DA an dapat magtagama nin pondo na makonektar sa AIS sa iba pang information systems, asin pigsisierto na ini maipapautob nin marhay kaibahan an verification processes asin information protections, asin makipagtabangan sa iba pang ahensiya kam gobyerno tanganing magkriar nin market connections lokal man o international.
