Pig-akusaran kan aktres na si Claudine Barretto an personal assistant kaini na si Ma. Solita “Marisol” Acap na pandurukot.
Sa social media account kan aktres, nag-live video ini kun saen sinaysay na pigdukot soboot ni Acap an mga aki kaini na sinda Sabina, Santino asin Quia.
Dugang pa ni Barretto, dae pa nakakapuli an saiyang mga aki puon pa kan nakalihis na bangi nin Sabado.
Digde na nagtao pa nin palugit an aktres na dapat makapuli na an mga aki sa laog nin 15 minuto.
Pigbuyagyag pa ni Barretto na igwang kasabwat an PA na mga fans kun saen naghahagad soboot an mga ini nin kwarta sa pirang mga tagahanga.
Ipinahiling kan aktres an mga dokumento kan 2023 na igwa soboot pagkakautang an PA na nagkakantedad nin P5-M.
Sa ngunyan, desidido an aktres na magsunad nin kaso laban sa PA
