Ikinamundo kan World Health Organization (WHO) an abiso kan Estados Unidos na ini dagusan ng mahali komo kasapi kan organisasyon.
Sigun sa WHO, dakula an nagin ambag kan Amerika sa mga trayumpo kan organisasyon, kaibahan an paglipol sa smallpox asin paglaban sa polio, HIV, Ebola, influenza, tuberculosis, malaria, asin iba pang helang.
Ipinahayag kan WHO an panghihinayang sa desisyon kan USA na makakaapektar bako sana sa saindang nasyon kundi sa kasalbaduhan kan bilog na kinaban.
An ulayan, papag-urulayan kan WHO Executive Board sa Pebrero 2, 2026 asin kan World Health Assembly sa Mayo 2026.
Tinuligsa kan Estados Unidos an soboot kabiguan kan WHO sa pagsimbag sa COVID-19 pandemic, alagad pighurot kan WHO na marekas asin malinaw an saindang nagin aksiyon sa pagheheras nin impormasyon asin pagtatao nin giya sa mga nasyon.
Maduon man na pinahimutikan kan WHO an paratang na ini nagin politisado asin pinamayuhan kan mga nasyon kontra sa interes kan Amerika, asin pighurot na nagtitinir ining impartial asin tapat sa gabos kan 194 Member States.
Naglalaom an WHO na sa maabot na panahon, liwat na mapartisipar an Estados Unidos, mantang padagos kaining pig-uutob an mandato na siertuhon an pinakahalangkaw na lebel kan salud komo derechos kan gabos na tawo.
