Nakatalaan na makipag-ulay si US President Donald Trump ki Russian President Vladimir Putin manungod sa mga detalye kan pagkagadan nin mga laboratory workers sa plague research center sa Siberia.
Segun sa US President, gigibuhon an pag-apod kaini ngonian na Huwebes tanganing maaraman an tunay na pangyayari.
Dai man kinumpirma ni Kremlin spokesman Dmitry Peskov na magkakaigwa nin pag-ulay an duwa sa telepono.
Pigsierto man niya na an pangyayari nakabase sa standard practice hali sa World Health Organization (WHO).
Inakusaran pa niya an media na nagpapaluwas nin salang impormasyon.
Enot nang sinabi kan White House na igwa na sindang diplomatic message sa Russia na naghahagad nin dugang na impormasyon.
Magigirumduman na iniimbestigaran na kan Russia an pagkagadan kan 28-anyos na biktima kun sain an mga nakasalamuha kaini nagnegatibo man sa hinihinalang pneumonic plague.
Base sa pagsiyasat kan WHO, an pneumonic plague igwa nin halipot na incubation period sa laog nin 24 oras asin ini nakakagadan kun dai tulos naagapan.
