Ipigheras kan aktor na si Elijah Canlas an nagin journey kaini komo nagpupuon na artista kaidto sa industriya.
Sa latest episode kan sarong podcast kasuarin sana, kaibahan na nagsalang kaini an kapwa artista na sinda Maris asin Kaila Estrada.
Sigun ki Elijah, nagpuon soboot an saiyang pagmamawot na mag-arte kan darahon ini sa premiere na pelikula ni Dwein Baltazar. Duman soboot kaini narealisar na magayon mag-arte.
Kaya kinapalan kaini an saiyang lalawgon.
Pinadarhan kaini nin mensahe an sarong producer sa pagbabaka-sakaling naghahanap idto nin artistang mama-manage.
Alagad nagsayuma man an producer na saiyang pinadarhan nin mensahe.
Nakipaghilingan pa man soboot si Elijah sa ibang management. Ini an maski igwa na nin role na nakatagama sa saiya sa pigbabalak na pelikula kan sarong direktor.
Sa huri, nakua pa man ni Elijah an role sa sarong pelikula asin nasungkit kaini an parangal na Best Actors sa Gawad Urian Awards kan taong-2010.
