Pigkumpirmar kan National Bureau of Investigation (NBI) na mayo pa sobot pigluluwas an International Criminal Police Organization o Interpol na red notice kontra sa puganteng si dating Ako-Bicol Partylist Representative Zaldy Co.
Sigun ki NBI Spokesperson Atty. Palmer Mallari, dae soboot kaini masabi o matukoy kun tano nahahaluyan na simbagan an kahurutan ninda kan November 23, 2025.
Kadalasan soboot an tolo hasta apat na semana an proseso sa pag-iisyu kan red notice.
Alagad pigtawan ni Atty. Mallari, na padagos an saindang pakikipagkoordinar sa Interpol dapit sa nasambitan ng isyu.
Enot nang sinaysay kan NBI na makikipag-koordinar na sinda sa mga otoridad sa Sweden tanganing beripikahon an impormasyong duman nagtatago an dating lehislador.
Tinatrabaho na ninda an ipapadara na surat sa saindang counterpart sa lugar.
Sa ngunyan, padagos soboot an saindang koordinasyon sa mga otoridad sa Cambodia asin Portugal kun saen enot na naireport na nagtatago si Co.
