Inakusahan ni Atty. Paolo Panelo, an tagapagtaram ni Bise Presidente Sara Duterte, an administrasyong Marcos nin paggamit umano kan mga institusyon kan gobyerno para sa pampulitikang pang-uusig, kasunod kan mga pahayag kan National Bureau of Investigation (NBI) manungod sa mga sinasabing pagkakaiba sa mga ari-arian na idineklara kan Bise Presidente sa saiyang Statement of Assets, Liabilities and Net worth (SALN).
Segun ki Panelo, isinapubliko ni NBI Director Melvin Matibag sa media an sinasabing resulta kan imbestigasyon na dai man lang ipinaaram ki Duterte an mga alegasyon asin tinawan ini nin oportunidad na sumimbag.
Kinuwestiyon man kaini an pag-turn over kan report sa Office of the Ombudsman imbes na tawan an Bise Presidente nin oportunidad na direktang simbagan an mga ini.Kinuwestiyon ni Panelo kun tano ta dai umano isinabay kan prosecution an mga nadiskubre kan NBI sa impeachment trial, kun sain pwedeng surion asin kontrahon kan depensa an mga ebidensiya.
Pinahimutikan ini ni Duterte, sa paagi kan saiyang tagapagtaram, an mga alegasyon nin bakong tamang pagdedeklara nin ari-arian.Iginiit ni Panelo na tama asin tapat na idineklara kan Bise Presidente an saiyang mga ari-arian asin pananagutan, asin andam siya na patunayan ini sa impeachment trial o sa Ombudsman kun matawan nin pormal na abiso.
