Masabak tulos sa panibagong international tennis tournament an Pinay tennis player na si Alex Eala makalihis an saiyang laban sa Philippine Women’s Open.
Nakatalaang maglaban an 20-anyos na Pinay sa Mubadala Abu Dhabi Open, sarong Women Tennis Association (WTA) 500 tournament.
Mapuon an nasambitanbng turneyo sa Pebrero 1 hasta 7, 2026.
Pira sa mga bigatin asin world-class tennis star na masabak sa nasambitan ng turneyo iyo sinda Leylah Fernandez (Canada), Maya Joint (Australia), Victoria Mkobo (Canada), asin si Elena Rybakiba siring man iba pa.
Kun bebweltadahan an huring laban ni Alex sa Philippine Tennis Open kan nakalihis na Enero-30, bigo kaining daugon an saiyang Colombian Opponent na si Camila Osorio tanganing mag-usad kudta na sa semifinals kan nasambitan ng turneyo.
Sa presente, kapot ni Eala an ika-49 na pwesto sa Women Tennis Association asin nagibo kaini ining mantiniron sa laog kan pirang bulan.
