Nakapagrehistro nin bagong “first” sa saiyang kabilib-bilid na karera si June Mar Fajardo makalihis ining magin kaenot-enoting nagreseber kan Ramon Fernandez Trophy komo Finals MVP kan PBA Season 50 Philippine Cup.
Pig-anunsyar an milestone makalihis an Game 6, kun saen nag-ambag si Fajardo nin 29 points asin 23 rebounds sa 92–77 kapangganahan kontra sa TNT kan domingo nin bangi.
Parehas Cebuano asin pigbisto komo duwang pinakadakulang parakawat sa historya kan PBA sinda Ferenandez asin Fajardo.
An championship ring an ika-12 PBA championship ni Fajardo, na nagrani sa saiya sa rekord ni Fernandez na 19 titulo, an pinakadakol na nairehistro kan sarong parakawat.
Para sa 6-foot-10 superstar, nagtitinir na inspirasyon si “El Presidente” maski limang pulgada sana an langkaw kaini kumparar sa saiya.
