Mapadagos asin dae mabago an kooperasyon sa tahaw kan Taiwan asin Amerika. Ini an matapang na pahayag ni Taiwanese President Lai Ching-te makalihis na magpatanid si Chinese President Xi Jinping sa Amerika sa sarong phone call ki US President Donald Trump katakod sa $11 billion na kantidad kan arms sale kan US sa Taiwan.
Sigun sa Taiwanese President, nagtitinir na matatag an relasyon kan Taiwan sa Amerika asin ipagpapadagos an gabos kan cooperation programmes asin mayong mabago.
Hurot pa ni Lai na nagtitinir na dae nagbabago an commitments kan Amerika sa Taiwan asin igwang kusog na channels of communication sa tahaw kan duwang kampo.
Kan nakalihis na Miyerkules, nangapodan si Chinese President Xi para sa mutual respect sa pagpapakusog kan koneksiyon sa Amerika, kasabay kan pag-isyu nin patanid sa pagpapabakal nin mga armas sa Taiwan.
Sa ibong kaini, sinaysay ni Lai na dae sinda nahahadit katakod sa kabilogang pag-uulay sa tahaw ninda Trump asin Xi.
Imbes, nagtutubod an Taiwanese President na makakatabang ini tanganing ma-stabilize an sitwasyon sa rehiyon.
