Maogma na pigheras kan aktres na si Lauren Young an pagtangro sa saiya nin kasal kan partner na si Toby Panlilio.
Sa social media account kan aktres, nagpost ini nin mga ladawan kan pigsagibong proposal.
Nangyari an nasambitan ng wedding proposal kan nagbakasyon sinda sa Sapporo, Hokkaido sa Japan.
Sa pirang ladawan na pigheras kan aktres, mahihiling an pagluhod kan nobyo kasabay kan pagpahiling kan engagement ring.
Advertisement
Nagbulos man an pagbati gikan sa saindang mga amigo sa showbiz asin mga kaparientes.
Si Lauren an tugang ni dating beauty Queen Megan Young mantang si Toby an tugang kan agom ni Dani Barreto na si Xavi asin tugang man kan agom ni Michelle Gumabao na si Aldo.
Advertisement
