NAGA CITY- Pig-asegurar kan Congressman kan ika-apat na distrito kan Camarines Sur na poproteheran kaini an mga tawo sa banwaan nin Siruma makalihis an mayong paaraman na pagkudal kan mga kalalakihan sa enektaryang daga sa nasambitan ng banwaan.
Sigun ki Camarines Sur 4th District Congressman Arnie Fuentebella, dae pwedeng kamkamon kan siisay man an daga na para sa tawo.
An mayong paaram na pagkudal sa nasambitan ng kadagaan an kaipuhan imbestigaran nin marhay.
Dugang pa kan opisyal, kaipuhan na maaraman kan barangay kun isay an mga indibidwal na nagkudal huli ta trabaho kan mga ini na siertuhon an paz y orden.
Siringman kun kaipuhan na igwang imbestigaran sa lado kan DAR asin DENR an dapat na ikasa .
Apwera digde, an mga kapulisan an dapat nakabantay sa sitwasyon, dae pwede soboot na nagtuturog sana an mga otoridad orog na sa mga insidente na ini.
Pigtawan duon pa ni Fuentebella na matuninong asin mayaman an banwaan nin Siruma kaya daw pwede na tagaluwas an makinabang sa mga ini.
Sa ngunyan, pigsierto na sana kan Kongresista na tututukan kaini an sitwasyon sa Siruma tanganing mamantinir an katuninongan sa lugar.
