Nagtapos nin makasaysayan an ginanap na snowy snap election sa Japan.
Ini an makalihis makakua nin landslide victory an coalition ni Japan Prime Minister Sanae Takaichi, an primerong babaeng Prime Minister sa historya kan Japan, an pigkonsiderar na “fourth largest economy” sa bilog na kinaban.
Nanggana an Liberal Democratic Party (LDP) nin labi 310 gikan sa 465 seats sa lower house kan Japan, ini an primerong pagkakataon puon kan World War II na nakakua nin two-thirds majority vote an sarong partido.
Marurumduman, naelihir si Takaichi komo bagong PM kan Japan kan nakalihis na October 21 kan nakalihis na taon.
Si Takaishi man an pamayo kan namamayagpag na LDP, alagad dae nakua kan partido an mayorya kan parehong kapulungan kan parlamento, nagpa-apod si Takaishi nin snap election tanganing makakua nin direktang mandato gikan sa taumbayan.
Nagpaabot man nin pagbati si US President Donald Trump sa kapangganahan ni Takaichi. Marurumduman, nakaresebir si Takaichi nin pambihirang pag-endorso gikan sa US President.
Sa katunayan, inimbitaran pa ni Trump si Takaichi na magbisita sa White House sa Marso 19.
Sa ngunyan, naghahampang an Japan sa nagkapirang mga huma kaibahan an marekas na paggurang kan saindang populasyon, paglangkaw kan cost of living, nagluluyang kantidad kan yen, asin naglalalang relasyon sa China kasunod kan pahayag ni Takaichi na posibleng makiaram an Japan sa Taiwan conflict.
