Nangapudan si House Speaker Faustino Dy III sa mga miyembro kan ASEAN parliaments na ibusol an responsableng pagmanehar asin paggamit kan artificial intelligence (AI) asin iba pang nag-uusbong na teknolohiya.
Sigun ki Dy, importante an pagkakaigwa nin malinaw na polisiya tanganing malikayan an paggamit nin AI asin iba pang makabagong teknolohiya kan mga terorista asin grupong nagkukuriyat nin karahasan.
Pigtawan duon pa ni Dy an pangapudan sa pigsagibong parliamentary training course on legislative and policy measures na obhetong simbagan an paggamit kan AI a sin new technologies sa konteksto kan seguridad asin karahasan.
Dugang pa kan House Speaker, nagin importanteng parte na kan pang uru-aldaw na pagbuhay an AI, kaya kinakaipuhan an mga konkretong lakdang tanganing masierto na magagamit ini sa paghahatod nin mas marhay na serbisyo sa mga Pilipino asin dae magin rason kan peligro.
