Pinuonan na kan Department of Agriculture (DA) an barangay-level rollout kan P20 kada kilo na bagas sa Davao City, komo pagpapahewas kan programang “Benteng Bigas, Meron Na!” kan administrasyon.
Enot na isinagibo an distribusyon sa Barangay Matina Crossing asin sinundan sa Barangay Tungkulan sa Toril District kan nakalihis na Pebrero 20, sa pangengenot ni Assistant Secretary for Agribusiness, Marketing and Consumer Affairs Genevieve Velicara-Guevarra, kaibahan an mga opisyal kan barangay asin representantes kan National Food Authority (NFA) asin Food Terminal Corporation (FTI).
Sigun ki Guevarra, importante an aktibong partisipasyon kan lokal na gobyerno tanganing masierto na makaabot an subsidized rice sa mga target na benepisyaryo siring kan mga indigent, senior citizen, persons with disabilities, minimum wage earner asin solo parents.
Nakatabang soboot an P20 Benteng bigas masterlist registry system, sarong online registry kan mga benepisyaryo tanganing maparekas an beripikasyon asin pagbakal nin bagas.
Ipinaliwanag kan DA na napapanahon an pagpapahewas kan distribusyon huli ta pano soboot an mga bodega nin NFA.
Sa paagi kan mas marekas na pagluluwas nin suplay sa mga barangay, nababawasan an laog kan mga warehouse asin natatawan dalan an padagos na pagbakal nin suplay gikan sa lokal na paraoma.
Target kan gobyerno na makinabang an hasta 60 pamilyang Pilipino sa programa ngunyan na taon, asin plano ining ipagpadagos hasta sa Huny 2028.
