PUPUNAN na kan Police Regional Office 6 an deployment kan mga personahe sa Sabado, Pebrero 28 bilang preparasyon kan pagmamantiner kan seguridad sa Association of Southeast Asian Nations (ASEAN) 2026 sa Isla kan Boracay.
Sigon sa Police Regional Office 6 kasabay kaini an paramientras na pagsuspinde sa Permit to Carry Firearms Outside Residence na magpupuon alas 12:01 nin maagahon kan Pebrero 28, 2026 hasta alas11:50 nin banggi kan Marso 8, 2026 asin kasabay man an Marso 21 hasta 28, Setyembre 17 hasta 27 asin sa Nobyembre 14 hasta Nobyembre 22 para sa manlain-lain na ASEAN engagements.
Nagpagirumdom man an PRO-6 na mahahampang sa kasong pagbalgar sa Section 28 kan Republic Act No. 10591 o Comprehensive Firearms and Ammunition Regulation Act asin possible pang marevoke an naunambitang permit asin licensed to own and possess firearms registration.
An pinakadakulang aktibidad katakod kan ASEAN an mangyayari sa Marso 26, an 44th ASEAN Capital Markets Forum Chairs’ meeting na papangenutan kan Securities and Exchange Commision para sa ipinagbubusol na Capital Market integration asin sustainable finance initiatives.
Enot man digdi naging host na man an Boracay sa tolong aldaw na ASEAN Senior Officials’ Meeting (SEOM) Retreat kan December 10 hasta 13, 2025.
