NAMAMANTENIR kan Naga City an magayon na employment status kaya dae na man nakakangalas na an syudad an may pinakahababang poverty incidence sa Bicol kan nakalihis na taong 2023, basado iyan sa Philippine Statistics Authority, uminabot sana sa 10.3% an poverty incident kaini na dawa ngunyan na 2026 an siyerto na siring man giraray an sistema, sigun ki Roderick “Nonoy” Reforsado, an Metro Peso Manager.
Saro sa mga patunay sa sinabing ini ni Reforsado iyo an mga job seekers na nagpapasiring sa saindang opisina asin gabos hali sa mga karatig-bayan, mayo soboot na taga-Naga kundi mga taga-Camarines Sur gabos.
Dugang pa kan opisyal, dakulang tabang an mga local companies na pirming nakikipag-ugnayan sa sainda tanganing maghanap nin mga empleyado sa mga job seekers na ini na haros urualdaw nasa saindang opisina tanganing magbakasakali.
Maski soboot sa pagtrabaho sa abroad, an kadaklan sa mga natatabangan iyo an mga taga-Camarines Sur.
