Padagos na bineberipika ngunyan an mga report na nagadan sa saro na namang airstrike an kade-deklara pa lang na interim Supreme Leader kan Iran na si Ayatollah Alireza Arafi, nagkapirang minuto lang makalihis an pormal kaining pagkakatalaga sa pwesto.
Naenot na digdi, pormal nang itinalaga si Ayatollah Arafi komo miyembro kan temporary Leadership Council kan Iran katakod kan pagkagadan ni Supreme Leader Ayatollah Ali Khamenei sa serye kan US-Israeli strikes.
Sigon sa mga report kan state media antes an tigsasabing panibagong pag-atake, makakaiban kuta ni Arafi sina President Masoud Pezeshkian asin Chief Justice Gholamhossein Mohseni Ejei para paramientras na gibuhon an mga trabaho kan Supreme Leader mantang dae pa nakakapili nin karibay an Assembly of Experts.
Katakod kan pagkasawi ni Khamenei, nagdeklara an bansa ng 40-araw na pagmumundo. Magkakahalo naman ang naging reaksyon sa Tehran; dakol an nagmundo asin nagkukurahaw nin pagprotesta kontra sa Amerika asin Israel mantang igwa nang mga report an simpleng pagselebrar kan nagkapirang mga residente.
Antes pa man an mga report kan mga sinasabing pagkagadan ni Arafi, Kinundina man ni President Pezeshkian an paggadan asin inapod ining declaration of war against Muslims.
Inaabangan pa sa ngunyan an opisyal na kumpirmasyon gikan sa gobyerno kan Iran asin state media manungod sa tunay na sitwasyon ni Ayatollah Arafi makalihis an naiulat na airstrike.
