Sa laog sana kan enot na duwang bulan kan 2026, an Department of Health (DOH) nakarekord nin 17 kaso nin rabies sa bilog na nasyon.
Sigon sa DOH, sinabi kaini na igwang total na 17 kaso nin rabies sa laog kan periodo kan Enero 4 hasta Pebrero 21.
Alagad ini ay 65% na mas hababa sa 49 na kaso na naitala sa parehong panahon kan 2025.
Sinabi kaini na an mga kaso haros parehong kawsa kan mga ataman na hayop asin mga layas na hayop.
Sinabi man kan Departamento na 13 kaso o 76 porsyento kan total na kaso hale sa dae pa nabakunahan na mga hayop.
An rabies sarong nakakagadan na helang na kawsa nin sarong virus na napapasa sa paagi nin kagat, gasgas, o laway kan mga ayam, pusa, asin iba pang mga hayop na may rabies.
Asin sa paghihingoa na malikayan an rabies, hinagad kan DOH sa publiko na magin responsableng pet owner tanganing magdanay na paw-tected sa paagi kan pagsierto na nabakunahan an saindang mga ataman na hayop.
Kun magkaigwa nin kagat o gasgas, sinabi kaini na an mga biktima dapat tulos na hugasan an lugad gamit an sabon asin tubig sa laog nin 15 minutos.
Dangan dapat sindang magkonsulta tulos sa pinakaharaning DOH-certified animal bite treatment center or animal bite center tanganing ma-assess kun kaipuhan an bakuna sa rabies.
Huli kaini, sinabi kan DOH na dapat matapos kan mga pasyente an saindang mga dosis nin bakuna sa tamang oras.
