Syria kinondenar an pag-atake kan Houthis sa Electric Facility kan Saudi Arabia

Kinondenar kan Syria an pag-atake sa istasyon nin kuryente sa Saudi Arabia.

Inapod kan Syria an pag-atake na sarong ‘flagrant violations’ kan soberaniya asin International Law kan Saudi Arabia.

An Ministry of Foreign Affairs and Expatriates nagduon na sinda nagsusuporta sa Saudi Arabia asin andam na tabangan an nasyon na protehiran an seguridad kaini.

Kasabay kaini, nangapudan sinda nin tulos na pagpundo kan mga pag’atake asin pagpuntirya sa mga sibilyan na lugar asin banal na lugar.

Magigirumduman na naglansar nin air strike an mga rebeldeng Houthi sa distribusyon nin kuryente sa Medina City, Saudi Arabia.