Pinaigting pa kan Barangay Triangulo Naga City an saindang mga programang pansalud bilang parte kan padagos na serbisyong panlipunan para sa mga residentes.
Obheto kan mga aktibidad na ini na mapahewas pa an access sa serbisyong medikal asin mamantiner an marhay na salud kan komunidad.
Sigon ki Barangay Kgwd. Jacob V. Disuanco, Committee on Health ng barangay, nakatutok an saindang opisina sa pagpautob kan mga programang derektang makikinabang an mga namamanwaan.
Kabali digdi an mga regular na aktibidad na igwa nin kinaaraman sa salud asin serbisyong medikal. Kasuarin sana, matrayumpong naisagibo an bloodletting activity sa lugar na kun sain isinasagibo tolong beses sa laog nin sarong taon. Obheto man kaining makatabang sa pagmantiner kan sapat na suply nin dugo asin mainkaminar an mas dakol pang mga residentes na maging blood donors.
Nagpartisiparr man an Barangay sa mga nakalihis na inisyatiba siring kan Dugong Bombo, bilang parte kan pakikisumaro sa mas malawak na kampanya para sa karahayn kan salud.
Padagos na iniinkaminar kan barangay an publiko na makisumaro sa mga programang ipiglulunsad kan barangay tanganing mapamaray an kamugtakan kan salud kan mga residentes.
