Pinakusog kan Bureau of Jail Management and Penology sa Ciudad nin Naga an programa sa salud para sa Persons Deprived of Liberty (PDLs) ngunyan na tag-init.
Sa intrevista kan Bombo Radyo Naga sa JSINSP. Ralph Vincent Bobis, Acting Jail Warden kan Naga City Jail Male Dormitory- BJMP, sinaysay kaini na kabale digdi an 24/7 medical monitoring, distribusyon nin bulong, asin mga seminar manungod sa mga helang sa panahon nin tig-init. Pigtututukan man kan management an mga senior citizens asin mga may hypertension, mantang pigbabantayan an mga helang arog kan sore eyes asin scabies.
Nakatalaan man an defogging kan pasilidad makalihis an sarong kaso nin dengue. Mientrastanto, pig-implementar na an mga austerity measures susog sa direktiba ni Ferdinand Marcos Jr., kabali na an pagtipid sa kuryente asin tubig asin paggamit nin video hearings.
Tinutugutan man an mga PDL na magluwas sa mga itinalaan na oras para sa preskong aire. Nagpagirumdom an BJMP sa mga bisita na magsunod sa mga panundon lalo na ngonian na Semana Santa.
