Ipinahayag kan Department of Energy (DOE) na imposible nang maibalik sa P60/litro an presyo kan krudo asin gasolina huli sa epekto kan giyera sa Middle East.
Sigon ki Energy Secretary Sharon Garin, huli ini sa structural damages na dara kan giyera sa rehiyon, kun sain pigduon man kan sekretarya na mayo pang kasegurohan kun nuarin matatapos an giyera asin kun gurano kahaloy an pag-ayos kan mga oil-related facilities.
Sinabi pa ni Garin na kun naghaloy sana nin duwang semana an iriwal, mas dakula an posibilidad na mabalik sa dating lebel an mga presyo, alagad huli ta nagkapirang semana na an nakalihis, dae suboot marikas na mabababa an presyo kan mga nasabing produkto.
Mientrastanto, sa ibong kaini, pigsierto ni Garin na padagos an pagdistribwer kan gobyerno nin fuel subsidy para sa mga driver na apektado kan halangkaw na presyo kan petrolyo.
Apwera kaini, igwa suboot nin iba pang mga programa na ilulunsar tangarig na maibsan an epekto kan halangkaw na presyo kan krudo sa mga motorista, arog kan pag-implementar nin diskwento para sa mga jeepney drivers na itatao sa mga drivers sa laog nin tulo hasta apat na bulan.
