Kinumpirmar kan Prague police na “aware” sinda sa sitwasyon kan Pilipino na imbwelto sa kaso, alagad dai nagtao nin dugang na detalye manungod sa pag-arestar sa dating representante kan Ako Bicol Party-List na si Zaldy Co, na makikipag-olay sinda sa saindang Ministry of Interior.
Si Presidente Ferdinand Marcos Jr. mas naenot na nag-anunsyo kan pag-arestar ki Co kan Huwebes, na nagsasabi na an gobyerno nakikipagkoordinar na sa gobyerno kan Czech tanganing maseguro an pagsunod sa legal na proseso asin maparikas an saiyang pagbalik sa Pilipinas.
Susog sa report, an sarong press officer kan Czech police nagsabi na sinda nag-aayos pa nin impormasyon manungod sa pangyayari bago ini sa katapustapusi irefer sa nasambit na ahensya para sa sarong opisyal na pahayag.
Mientrastanto, nagdanay man na mahigpit an ngabil kan Embahada kan Pilipinas sa Czech Republic dapit sa mga detalye kan pag-arestar asin kun matao ini nin consular assistance sa dating mambabatas.
Co an nahahampang sa kasong graft asin malversation kaiba an 15 iba pa katakod kan soboot substandard na P289-million na flood control project sa Naujan, Oriental Mindoro.
Magigirumdoman na kan Enero, si Co ibinareta na nag-atubang sa Stockholm County Administrative Board sa Sweden manungod sa saiyang petisyon sa Korte Suprema.
Sa presente, hinahalat an opisyal na kumpirmasyon gikan sa mga awtoridad kan Czech mantang nagpapadagos an koordinasyon sa pag-ultanan kan mga ahensya kan Pilipinas asin Czech Republic.
