Sarong armadong suspek an binadil gadan kan mga opisyales makalihis na magpaputok ini sa sarong checkpoint harani sa White House kan Sabadong banggi, Mayo 23 (oras kan Amerika).
Susog sa sarong pahayag na ipinadara sa social media kan U.S. Secret Service, sarong lalaki an nagrani sa checkpoint sa 17th Street asin Pennsylvania Avenue.
Nagbunot suboot nin badil an suspechado sa saiyang bag asin pinaputok an mga opisyal.
Tulos man na nagbalos putok an mga tawohan kan Secret Service kun saen binadil an suspek asin ipigdeklarang gadan sa ospital.
Suway man, sarong sibilyan na nag-aagi an tinamaan man nin bala kan kariribokan.
Pigdedeterminaran pa an grabe kan saiyang lugad, asin dae pa malinaw kun sisay an nagpaputok kan bala na nagtama sa victima.
Sarong opisyal kan ley an nagsabi na an suspechado nabisto bilang sarong “emotionally disturbed person” o sarong tawong may mga isyu sa salud nin isip.
Idinagdag man kan opisyal na dati nang ipinaluwas an “stay-away order” kontra sa suspechado sa lugar.
Mayo man nin nairido sa insidente an mga tawohan kan Secret Service o mga opisyales kan pagpapaotob kan ley.
Kinumpirmar kan Secret Service na si Presidente Donald Trump yaon sa laog kan White House kan mangyari an pambabadil, alagad ligtas asin dai naapektaran kan insidente.
