Sa enot na Status Conference kan kaso ni dating Presidente Rodrigo Duterte sa International Criminal Court (ICC), pinag-olayan an paggamit kan English asin Filipino bilang saro sa mayor na tataramon na piggagamit sa Pilipinas.
Segun sa prosecution panel, importante para sa mga Pilipino na mas masabutan an bilog na proseso kan pagbista, lalo na ta mahigot na pigbabantayan kan publiko an mga pangyayari sa kaso.OFW
Sa bagay na ini, pabor an ICC na tawan nin interpreter an mga testigo laban ki Duterte tanganing itradusir sa saindang tataramon an mga diskusyon na nangyayari durante kan pagbista.
Sinabi kan kampo ni Duterte na dai na kaipuhan nin interpreter an saindang kliyente.
Mientrastanto, an iskedyul kan ICC Trial Chamber III para sa Nobyembre susog ki Presiding Judge Joanna Korner sa crimes against humanity case na kinakahampang ni Duterte.
An resulta kan panibagong assessment kan tolong accredited experts kan ICC dapit sa salud kan dating presidente rerepasohon pa para sa nagkapirang konsiderasyon.
Sa ibong na lado, nagsugo an ICC nin panibagong medical examination ki dating Presidente Rodrigo Duterte tanganing madeterminaran kun kaya pa ining magtindog sa kaso sa mga krimen laban sa katawohan.
Durante kan Conference Status, sinabi kan korte na kaipuhan na i-update an saiyang report sa salud, kaya ipinalihis kaini an pagbugtak nin petsa nin paglitis.
