Nag-anunsyo si o Atty. Levi Baligod, na nagrerepresenta sa 18 self-identified former members kan Philippine Marines, na masumitir sinda nin bagong affidavit sa Senate Blue Ribbon Committee na mas kompleto asin detalyado.
Nag-atendir si Baligod sa hearing kan Senate Blue Ribbon Committee sa pamamayo kan Cayetano bloc katakod kan mga soboot anomaliya sa flood control projects.
Segun ki Baligod, igwa nin nagkapirang dating miyembro kan dating soldados na pinapirmahan suboot kan National Bureau of Investigation an saindang mga affidavit na dae kaini nareview.
Mientrastanto, nagpahayag man nin reaksyon si Senator Imee Marcos kun sain nangangapudan nin pag-iingat asin padagos na paglilinaw sa mga alegasyon na nagluluwas.
Sa suway na pahayag ni Senator Loren Legarda tinawan duon an importansya kan padagos na pagtrabaho sa tahaw kan eksistidong tensyon sa laog kan Senado.
Piglalaoman an dugang na pagsumiter nin mga dokumento asin posibleng pag-amyenda sa mga nakaaging pahayag mantang nagpapadagos an imbestigasyon kan Cayetano asin Gatchalian bloc sa iskandalo sa flood control.
