Pigtawan duon na an impeachment trial laban ki Bise Presidente Sara Z. Duterte dapat na magpadagos sa tamang proseso asin forum, segun sa nagkapirang mambabatas. Pigduon ninda na dae dapat maatraso an pagbista huli sa mga alegasyon, soboot salang impormasyon, asin hearing na dai awtorisado kan Senate Blue Ribbon Committee.
House prosecutor asin Bicol Saro Party-list Rep. Terry Ridon asin dating Surigao del Norte Rep. Robert Ace Barbers nagtuyaw sa presenteng mga aktibidad sa Senado na imbuelto an nagkapirang testigo. Segun sa sainda, garo ini minalihis kan atensyon kan publiko sa mga prosidimiento sa impeachment pasiring sa mga bagay na nasa irarom na kan hurisdiksyon kan mga korte.
Susog ki Ridon, mayo nin gibo-gibo na naratibo o salang pahayag an makakaulang sa panel kan prosekusyon kan Kamara sa pag-otob kan saindang obligasyon na magpresentar nin ebidensya asin mga katotoohan sa pagbista sa impeachment kan Bise Presidente. Nag-insistir siya na an panel magdadanay na nakatutok sa proseso kan pagbista.
Mientrastanto, sinabi ni Barbers na mas maray na madangog kan mga korte an mga testigo na nag-aatubang sa senado, urog na kun igwang mga pendienteng kaso kontra sa mga ini. Dapat suboot na resolberan an mga isyung ini sa tamang legal forum asin bako sa paagi nin public hearing.
Idinagdag pa ni Barbers na an padagos na hearing puwedeng hilingon na political motivated na lakdang na posibleng makaapektar sa impeachment proceedings kontra ki Duterte. Sinabi man kaini na posibleng makaraot ini sa kredibilidad kan Kamara asin kan International Criminal Court na pauru-utro nang nagsasabi na ini an may hurisdiksyon sa mga reklamong isinangat laban ki dating Presidente Rodrigo Roa Duterte.
